Neyðarvarnir
Fjöldahjálparstöðvar eru starfræktar á neyðartímum til að bjóða þolendum náttúruhamfara og annarra alvarlegra atburða öruggt skjól. Þar er þeim séð fyrir helstu grunnþörfum.
Rauði krossinn á Íslandi gegnir stoðhlutverki við stjórnvöld í almannavörnum. Hlutverk félagsins felst meðal annars í opnun og starfrækslu fjöldahjálparstöðva, söfnunarsvæða aðstandenda og skráningarstöðva, úrvinnslu skráninga, sálfélagslegum stuðningi og aðkomu að rekstri þjónustumiðstöðva almannavarna.
Neyðarvarnir eru landsdekkandi verkefni og félaginu ber skylda til að sinna þeim um land allt. Landsskrifstofa fer með samræmingarhlutverk og sinnir þjónustu við deildir sem eru framkvæmdaraðilar
3 dagar - Ertu klár?
Fjöldahjálp
Fjöldahjálparstöðvar er hægt að opna og starfsrækja með skömmum fyrirvara til að bjóða þolendum náttúruhamfara og annarra alvarlegra atburða öruggt skjól. Þar er þeim séð fyrir helstu grunnþörfum svo sem mat, fatnaði og húsaskjóli. Einnig er gert ráð fyrir að í boði sé ýmis frekari þjónusta svo sem skyndihjálp, sálrænn stuðningur, ráðgjöf og upplýsingar.
Mörg hundruð sjálfboðaliða Rauða krossins eru þjálfuð í að starfrækja fjöldahjálparstöðvar og sækja námskeið reglulega til að viðhalda þekkingunni.
Fjöldahjálparstöðvar eru í flestum tilfellum staðsettar í skólum en einnig má gera ráð fyrir að opna þurfi fjöldahjálparstöðvar í félagsheimilum, samkomuhúsum, hótelum eða íþróttahúsum. Allt fer þetta eftir aðstæðum hverju sinni.
Algengar spurningar og svör um rýmingar og fjöldahjálparstöðvar
Ef þú ætlar í fjöldahjálparstöð þá fer fram skráning þar. Ef þú ætlar að dvelja annarsstaðar á meðan á rýmingu stendur, skaltu tilkynna þig og aðra sem þú ert að rýma með til 1717.
Nei. Skrá þarf alla sem eru að rýma, bæði börn og fullorðna.
Já. Allir sem hafa búsetu eða dvelja á rýmingasvæði þurfa að láta vita hvar þeir muni dvelja meðan á rýmingu stendur.
Já. Hægt er að hringja í 1717 og upplýsa um dvalarstað.
Já. Það þarf að skrá alla sem eru að rýma svæðið.
Já það má. Mikilvægt er að hafa búr meðferðis.
Tilkynnið að þið þarfnist aðstoðar við rýmingu í 112.
Nei, ekki á meðan það er utan rýmingasvæðis og símanúmer hafi fylgt með skráningu í upphafi.
Nei, það þarf ekki að tilkynna ef búið er að aflétta rýmingum.
Hafa þarf samband við lögreglu til að fá leyfi til að nálgast nauðsynjar.
Í tilkynningum frá lögreglu og almannavarnadeild eru gefin upp þau heimilisföng sem eru á rýmingarsvæði. Ef þitt er ekki þar á meðal þá þarf ekki að rýma. Ekki er hægt að tryggja að sms berist eingöngu á ákveðnar götur og eru send til upplýsingar til íbúa um rýmingar.
Ekki er hægt að tryggja að SMS berist til allra svo fylgið fyrirmælum/tilkynningum sem koma frá lögreglu og almannavörnum.
Í fjöldahjálparstöðvum eru þjálfaðir sjálfboðaliðar að störfum. Þau sem hafa áhuga á að leggja okkur lið í framtíðarverkefnum geta skráð sig sem sjálfboðaliðar hér og þá verður ef til vill haft samband síðar: https://www.raudikrossinn.is/sjalfbodastorf/umsokn-um-sjalfbodastarf/
Við erum mjög þakklát fyrir hve margir vilja hjálpa og koma með ýmsa muni í fjöldahjálparstöðvarnar, en almennt er ekki þörf fyrir neitt aukalega í fjöldahjálparstöðvarnar.
Ef þú vilt styðja við aðgerðir Rauða krossins er best að gera það með því að skrá sig sem Mannvinur hér: https://www.raudikrossinn.is/styrkja/mannvinir/
Hvar eru fjöldahjálparstöðvar staðsettar?
Viðbragðshópur
Viðbragðshópur Rauða krossins veitir þolendum húsbruna, hópslysa og annarra alvarlegra atburða sálrænan stuðning, tryggir að grunnþarfir séu veittar, svo sem fæði, klæði og húsaskjól og stýrir aðgerðum Rauða krossins á vettvangi.
Hópurinn er mannaður sjálfboðaliðum með fjölbreyttan bakgrunn sem eiga það sammerkt að hafa þekkingu og reynslu af sálrænum stuðningi í gegnum menntun, reynslu og störf. Allir sjálfboðaliðar hljóta jafnframt þjálfun í sálrænum stuðningi, neyðarviðbrögðum og skyndihjálp hjá Rauða krossinum, helst áður en þeir hefja störf í hópnum.
Líðan og bjargráð í náttúruvá
Algeng viðbrögð fullorðinna:
- Líkamleg og andleg örmögnun
- Einbeitingarskortur og erfiðleikar við ákvarðanatöku
- Pirringur eða uppstökk viðbrögð
- Sorg, einmanaleiki og áhyggjur
- Breytingar á matarlyst og svefnmynstri
- Sveiflur í tilfinningum
Góð ráð til að takast á við aðstæður:
- Einbeittu þér að því sem þú hefur stjórn á.
- Passaðu upp á næringu, hvíld og hreyfingu.
- Vertu í góðu sambandi við fjölskyldu og vini; gefðu og þiggðu stuðning.
- Vertu þolinmóð/ur við sjálfa/n þig og aðra í kringum þig.
- Sýndu sjálfum þér mildi – allar tilfinningar eru eðlilegar í þessum aðstæðum.
- Forgangsraðaðu verkefnum og leystu þau í litlum skrefum.
- Leitaðu faglegrar aðstoðar ef streita eða vanlíðan er langvarandi eða yfirþyrmandi.
Börn og náttúruvá
Börn upplifa náttúruhamfarir á annan hátt en fullorðnir. Þau geta orðið óörugg, hrædd eða ringluð. Áhyggjur koma stundum fram í breyttri hegðun, jafnvel löngu eftir atburðinn.
Algeng viðbrögð barna:
- Æsingur eða breytt hegðun
- Meiri viðkvæmni, grátur eða þörf fyrir aukna athygli
- Hænsni við foreldra eða fullorðna sem þau treysta
Ráð um samskipti við börn:
- Gefðu börnum tækifæri til að ræða um líðan sína.
- Spurðu þau hvað þau vilja vita og svaraðu heiðarlega með einföldum orðum.
- Vertu róleg/ur; börn fylgjast með viðbrögðum þínum.
- Viðurkenndu að þú hafir ekki öll svörin.
- Minntu börn á að við erum öll að læra að bregðast við saman og að fullorðnir vinna að öryggi þeirra.
Hjálparsími Rauða krossins 1717 og netspjallið er alltaf opið á 1717.is. Þangað má hafa samband ef áhyggjur gera vart við sig.
Viðnámsþróttur Suðurnesja
Verkefnið Viðnámsþróttur Suðurnesja var sett af stað í maí 2024 með stuðningi frá fyrirtækinu Rio Tinto. Markmið verkefnisins er tvíþætt: Að efla viðnámsþrótt Grindvíkinga og hins vegar að styrkja samfélagið á Suðurnesjum. Lögð er áhersla á að byggja upp seiglu einstaklinga, efla samveru fullorðinna jafnt sem barna og styðja fólk til að byggja sig upp eftir erfiða reynslu.
Nokkur verkefni eru nú í gangi undir merkjum Viðnámsþróttar Suðurnesja.
Með þér
Verkefnið Með þér er heildstætt stuðnings- og valdeflingarverkefni sem Rauði krossinn vinnur að í samstarfi við KVAN og í virku samráði við Grindavíkurbæ. Markmiðið er að styðja einstaklinga frá Grindavík – hvar sem þeir búa í dag – til að efla seiglu, sjálfstraust og hæfni til að takast á við breytingar og óvissu eftir náttúruhamfarirnar.
Áherslan er á þátttöku og samvinnu – með þér, ekki fyrir þig.
Verkefnið Með þér er hjarta sjálfstyrkingarátaksins er lögð áhersla á að Grindvíkingar taki virkan þátt í mótun og framkvæmd úrræða sem henta þeirra raunverulegu þörfum. Hér er gert ráð fyrir úrræðum sem henta börnum, ungmennum, fullorðnum – þar á meðal fjölskyldum með börn – og eldri borgurum.
Í boði eru fjölbreytt námskeið, vinnustofur og viðburðir sem miða að því að efla persónulegan styrk, seiglu og sjálfstraust. Námskeiðin eru kennd nú á haustönn fram að jólum og síðan aftur eftir áramót og fram í júlí.
HAM-námskeið
Til að styðja við andlega seiglu býður Rauði krossinn einnig upp á rafrænt HAM-námskeið í samstarfi við Framvegis. Námskeiðið byggir á hugrænni atferlismeðferð og stendur yfir í átta vikur. Það fer fram í gegnum Teams svo allir geti tekið þátt, óháð búsetu. Þátttakendur læra aðferðir til að vinna með kvíða, streitu og depurð og að efla daglega vellíðan og sjálfstyrk. Námskeiðið er kennt nú í haust á íslensku og ensku og verður kennt aftur á vormisseri á pólsku og íslensku.
Fram á við
Fyrir ungt fólk á aldrinum 16–25 ára býður Rauði krossinn í samstarfi við Litlu kvíðameðferðarstöðina upp á sérsniðin námskeið undir heitinu Fram á við. Markmiðið er að efla sjálfsmynd, seiglu og félagsfærni.
Þar á meðal eru námskeiðin HAM-fræðsla, Hættu að fresta og Vertu þú! sem öll miða að því að styrkja trú ungs fólks á eigin getu og efla hæfni þess til að takast á við áskoranir daglegs lífs.
Skyndihjálp og samvera
Þessu til viðbótar verða kynnt síðar skyndihjálparnámskeið Rauða krossins á Íslandi fyrir ungt fólk á aldrinum 16–25 ára, þeim að kostnaðarlausu.
Rauði krossinn heldur áfram að styðja samveru Grindvíkinga í Rauða kross húsinu í Reykjanesbæ á mánudögum milli kl. 14:00–16:00. Samvera grunnskólabarna frá Grindavík verður einnig styrkt áfram með fjölbreyttum hætti, meðal annars með ferðum á Úlfljótsvatn, í Vaglaskóg og öðrum uppbyggilegum viðburðum og afþreyingu.
Net stuðnings
Öll þessi verkefni – Með þér, HAM-námskeiðið, Fram á við, skyndihjálparnámskeiðin og fleiri, mynda sameinað net stuðnings og valdeflingar sem nær til fólks á mismunandi aldri og lífsskeiði.
Þau miða að því að efla einstaklinginn fyrst og fremst því sterkari einstaklingar skapa sterkari samfélög.
Rauði krossinn heldur áfram að standa með þér – með Grindvíkingum og með samfélaginu á Suðurnesjum – til að byggja upp seiglu, öryggi og hæfni.
Þetta verkefni er styrkt af Rio Tinto
Efling viðnámsþróttar
Markmiðið er að bæta viðnámsþrótt fólksins á Suðurnesjum og verður verkefnið unnið í nánu samstarfi við þá sem eiga mestra hagsmuna að gæta.