Aðstoð eftir afplánun

Aðstoð eftir afplánun er verkefni ætlað fólki sem hefur lokið afplánun eða er í afplánun. Það er margt sem þarf að huga að þegar fangelsisvist lýkur og mikilvægt að hafa stuðning þegar svo miklar breytingar verða. Sjálfboðaliða er ætlað að aðstoða einstaklinginn við ýmislegt er varðar daglegt líf og þær breytingar sem verða við það að ljúka afplánun, s.s. húsnæðis- og atvinnuleit, viðtöl við félagsráðgjafa, skipulagningu fjármála, efla félagslegt öryggi og öðlast tiltrú á eigin getu sem áhrifavalds í eigin lífi.

Ert þú að afplána dóm eða ljúka afplánun?

Það geta öll sóst eftir aðstoð en að mörgu er að huga þegar fangelsisvist lýkur og mikilvægt að hafa stuðning. Við leggjum áherslu á að koma fram við fólk af virðingu, skilningi og væntumþykju. Hægt er að nálgast frekari upplýsingar í síma 786 7133/570 4062, á netfangið eftirafplanun@redcross.is eða hjá félagsráðgjafa Fangelsismálastofnunar.

Sjálfboðaliðar styðja einstakling sem nýlokið hefur afplánun í fangelsi við ýmislegt er varðar daglegt líf og þær breytingar sem geta orðið við það að ljúka afplánun. Athugið að ekki öll sem sækja um að gerasta sjálfboðaliðar í verkefninu geta tekið þátt. Umsækjendur eru teknir í matsviðtöl og þurfa að sækja námskeið áður en þau geta hafið störf.