Vinaverkefni
Félagsleg tengsl hafa mikið að segja þegar kemur að heilsu og vellíðan.
Félagslegu verkefni Rauða Krossins miða að því að styrkja og efla félagslega þátttöku einstaklinga og hópa. Unnið er út frá þörfum þátttakenda og reynt að mæta óskum þeirra eins og kostur er. Útfærslur verkefnisins eru fjölbreyttar og er þátttaka t.d. í formi heimsókna, gönguferða og tónlistar eða símtala. Einnig eru sjálfboðaliðar sem hitta gestgjafa sína með hund þar sem hægt er að njóta stundar með hundinum og eiga spjall með sjálfboðaliða.
Hver eru verkefnin
Vantar þig félagsskap?
Vantar þig félagslega virkni og óskar eftir að fá til þín sjálfboðaliða. Sjálfboðaliðar hitta þá sem óska eftir í klukkustund á viku í eitt ár í senn. Sjálfboðaliðar verkefnisins eru bundnir trúnaði við þau sem heimsótt eru.
Gestgjafar okkar eru á fjölbreyttum aldri en allir eldri en 18 ára geta sótt um. Við leggjum áherslu á góð samskipti við gestgjafa okkar með öflugri eftirfylgni og vönduðum undirbúning sjálfboðaliða sem taka þátt.
Einnig er hægt að sækja um í gegnum síma 5704000 eða hjá vinaverkefni@redcross.is
Eftir það verður haft samband í síma þar sem tekið er stutt viðtal um helstu áhugamál, stöðu þátttakanda auk óska og væntinga til verkefnis.
Þegar búið er að finna sjálfboðaliða verður haft samband og fundin tími til að mæla sér mót þar sem sjálfboðaliði og starfsmaður eða hópastjóri verkefnis kemur með í fyrstu heimsókn. Hittast svo sjálfboðaliði og gestgjafi vikulega eftir það.
Eftirfylgni fer svo fram með reglulegum símtölum og samtali.
Vilt þú verða sjálfboðaliði?
Við leitum að sjálfboðaliðum sem vilja efla félagslega þátttöku einstaklinga (18 ára og eldri) og hópa.
Hlutverk sjálfboðaliða er fyrst og fremst að veita félagsskap, nærveru og hlýju. Mikilvægt er að sjálfboðaliðar mæti einstaklingum með opnum hug og sé vel undirbúnir undir þátttöku.
Sjálfboðaliðar útfæra hittinga við gestgjafa sína eftir því sem hentar báðum aðilum með þörfum gestgjafa í huga. Útfærslan getur verið ýmist spjall eða spil á heimili, menningarlegir viðburðir, hreyfing, njóta saman kaffibolla eða hvað eina sem báðir aðilar sammælast um. Sjálfboðaliðar eru bundnir trúnaði við þau sem heimsótt eru. Sjálfboðaliðar hitta einstaklinga einu sinni í viku í 12 mánuði í senn.
Til þess að tryggja sem besta undirbúning sækja sjálfboðaliðar undirbúningsnámskeið hjá Rauða krossinum. Allir sjálfboðaliðar rauða krossins taka svo grunnnámskeið á netinu sem og hafa aðgang endurgjaldslaust af námskeiðum Rauða krossins. Við mælum með að okkar sjálfboðaliðar fari á skyndihjálp sem og sálræna fyrstu hjálp.
Sjálfboðaliðar verkefnis fá fræðslu tvisvar á önn með það að markmiði að auka fjölbreytta þekkingu að málefninu. Öllum okkar sjálfboðaliðum er svo boðið á sjálfboðaliðahittinga tvisvar á önn.
Mikil eftirfylgni er með sjálfboðaliðum en hún fer fram með reglulegum símtölum og stuðning í fyrstu heimsókn.
“Forréttindin sem það eru að geta fært birtu og yl til fólks sem hefur heldur betur skilað af sér drúgju dagsverki. Það er mér mikil ánægja að geta orðið einhverjum öðrum stoð í lífinu”
Hvers vegna ættir þú að gerast sjálfboðaliði?
Það eru margir kostir við það að gerast sjálfboðaliði bæði fyrir sjálfan sig og samfélagið.
- Persónulegur þroski og aukin sjálfsþekking
- Aukin félagsleg tengsl
- Áhrif á samfélagið
- Reynsla og starfsframi
- Aukin vellíðan
- Tækifæri til að læra og vaxa
Í heildina getur sjálfboðaliðastarf veitt mikla ánægju og verðmæta reynslu, auk þess að styrkja bæði einstaklinga og samfélög.
Algengar spurningar og svör
Best er að hringja í aðalsímanúmer Rauða krossins 570-4000 eða senda tölvupóst á vinaverkefni@redcross.is
Þau sem eiga hund sem er orðinn tveggja ára. Hundurinn þarf að koma í grunnhundamat og ef hann stenst það þá þarf að fara á hundavinanámskeið í framhaldinu. Einnig þarf að taka grunnnámskeið Rauða krossins.
Gert er ráð fyrir því að símavinur hringi tvisvar í viku og að hvert símtal vari í u.þ.b. 30 mín. Æskilegt er að símtalið fari fram á svipuðum tíma dags á þeim dögum sem hentar báðum aðilum.
Já, hægt er að taka þátt í fleiru en einu verkefni.
Sjálfboðaliðar í félagslegu verkefnunum er fjölbreyttur hópur með alls konar reynslu. Verkefnin eru fyrir fólk af öllum kynjum, 18 ára og eldri. Sjálfboðaliðar eiga það fyrst og fremst sameiginlegt að hafa áhuga á mannlegum samskiptum, vilja láta gott af sér leiða í samfélaginu og bera virðingu fyrir öðrum.
Gert er ráð fyrir því að gönguvinir hittist einu sinni í viku í u.þ.b. klukkustund í senn. Þátttakendur þurfa einungis hafa viljann til þess að fara út að ganga og er gangan á þeirra forsendum. Hversu langt eða hratt er gengið fer algjörlega eftir þátttakanda. Geta það verið stuttar göngur með stoppi á bekk, lítill hringur um hverfið eða þá lengri göngur með engum stoppum.
Skáning fer fram hér.
Best er að senda inn umsókn um rafrænt á heimasíðu Rauða krossins og velja tiltekið verkefni sem þú óskar eftir. Sendu inn umsókn hér.
Starfsemin í tölum
Símavinir samtöl á viku
60
Heimsóknavinir heimsóknir á viku
235
Hundavinir heimsóknir á viku
59
Sjálfboðaliðar í vinaverkefnum
265