Almennar fréttir
46 ár liðin frá Vestmannaeyjagosinu
23. janúar 2019
Gosið árið 1973 markar upphaf neyðarvarnarstarfs Rauða krossins á Íslandi.
Í dag eru 46 ár liðin frá því að Vestmannaeyjargosið herjaði á byggð Eyjamanna. Gosið árið 1973 markar upphaf neyðarvarnarstarfs Rauða krossins á Íslandi. Fjöldahjálparstöð var sett upp í landi til að taka á móti þeim Vestmannaeyingum sem flúið höfðu eyjuna vegna gossins. Kallaður var út fjöldi sjálfboðaliða Rauða krossins, fyrst og fremst úr kvennadeild Reykjavíkurdeildar Rauða krossins, sem aðstoðuð við móttöku á Eyjamönnum. Talið er að yfir 200 sjálfboðaliðar hafi tekið þátt í aðgerðum Rauða krossins þessa nótt. Aðgerðir voru skipulagðar í höfuðstöðvum Rauða krossins þar sem undirbúningsvinna fór fram áður en Eyjamenn komu til Reykjavíkur. Ákveðið var að móttökumiðstöð skyldi sett upp í Árbæjarskóla þar sem tekið var á móti Eyjamönnum sem á aðstoð þurftu að halda talið er að um 6000 manns hafi skráð sig í þessa móttökustöð þennan fyrsta sólarhring. Aðrir skólar voru einnig rýmdir til að taka á móti þessum mikla fjölda Eyjamanna.
Þessar aðgerðir marka upphafið að öflugu neyðarvarnarstarfi Rauða krossins á Íslandi. Nú til dags er algengt að neyðarvarnarteymi Rauða krossins taki til starfa þegar stór slys eða náttúruhamfarir eigi sér stað og er kveðið á um þetta hlutverk Rauða krossins í lögum um almannavarnir. Starfsmenn og sjálfboðaliðar Rauða krossins bjóða þá fram aðstoð sína, veita áfallahjálp og aðra nauðsynlega þjónustu í sérstökum fjöldahjálparstöðvum sem settar eru upp. Nýjasta dæmið um slík viðbrögð eru vel heppnaðar aðgerðir Rauða krossins vegna rútuslyss sem varð á Kjalarnesi um síðustu helgi.
Hægt er að gerast Mannvinur Rauða krossins hér og styrkja starf hreyfingarinnar með mánaðarlegum fjárframlögum.
Fréttir af starfinu
FréttayfirlitVilt þú verða leiðbeinandi í skyndihjálp?
Almennar fréttir 14. október 2024Rauði krossinn á Íslandi stendur fyrir leiðbeinendanámskeiði í Skyndihjálp dagana 5. - 8. mars 2025.
Opnuðu litlu Melabúðina til styrktar börnum á Gaza
Almennar fréttir 11. október 2024Vinkonurnar Matthildur Atladóttir, Laufey Hrefna Theodórsdóttir, Halldóra Guðrún Johnson og Anna Jakobína Hjaltadóttir stofnuðu litla búð fyrir utan Melabúðina og seldu alls kyns hluti til styrktar börnum á Gaza.
Stofnuðu fyrirtæki til að hjálpa heimilislausum og styrktu Rauða krossinn
Almennar fréttir 10. október 2024Þrír nemendur í Menntaskólanum á Ísafirði stofnuðu nýlega fyrirtæki til að styrkja heimilislaust fólk á Íslandi og gáfu Rauða krossinum veglegan styrk.