Rauði krossinn á Íslandi leitar að öflugum einstaklingi í starf vaktstjóra í símaver félagsins. Starfið felur í sér umsjón með starfsfólki í símaveri, kynna starfsemi Rauða krossins og bjóða fólki að styrkja félagið. Um er að ræða hlutastarf þar sem unnar eru 4 vaktir í viku. Vinnutíminn er frá kl. 15:00-21.00, mánudaga til fimmtudaga. Í starfinu gefst tækifæri til að kynnast verkefnum stærstu mannúðarhreyfingu heims og er tilvalið starf með skóla.

Helstu verkþættir:

• Verkefnastjórn í símaveri í samráði við verkefnastjóra
• Móttaka og þjálfun starfsmanna símavers
• Skipulagning vakta starfsmanna símavers
• Ábyrgð á skráningu upplýsinga og gagnaöflun

Hæfniskröfur:

• Áhugi á starfi Rauða krossins
• Leiðtogahæfni, jákvæðni og framúrskarandi hæfni í mannlegum samskiptum
• Samviskusemi og áreiðanleiki
• Skipulagshæfileikar og geta til að geta unnið sjálfstætt
• Reynsla af verkefnastjórnun og sambærilegu starfi er kostur

Nánari upplýsingar veitir Jóhanna Guðmundsdóttir, verkefnastjóri fjáraflana, johannagud@redcross.is. Umsóknir ásamt ferilskrá skal senda á starf@redcross.is fyrir 14. febrúar nk.