Almennar fréttir
Rauði krossinn á Íslandi fagnar samningi stjórnvalda við Alþjóðaráðið
29. febrúar 2024
Rauði krossinn á Íslandi lýsir yfir mikilli ánægju með nýjan samstarfssamning íslenskra stjórnvalda við Alþjóðaráð Rauða krossins.
Á miðvikudag undirrituðu íslensk stjórnvöld nýjan samstarfssamning um stuðning Íslands við Alþjóðaráð Rauða krossins til þriggja ára. Framlög íslenskra stjórnvalda munu nema 30 milljónum króna á ári til ársins 2026. Stuðningur alþjóðaráðsins snýr ekki síst að lagalegri vernd og aðstoð við fórnarlömb vopnaðra átaka á grundvelli mannúðarlaga. Þetta kom fram á vef Stjórnarráðsins.
„Þessi nýi samningur við Alþjóðaráð Rauða krossins (ICRC) er kærkomin viðbót við það farsæla samstarf sem landsfélagið hér á Íslandi hefur átt við stjórnvöld til margra ára og við fögnum því að stjórnvöld setji aukinn kraft í mannúðaraðstoð á þennan hátt,“ segir Kristín S. Hjálmtýsdóttir, framkvæmdastjóri Rauða krossins á Íslandi.
„Alla jafna sinna landsfélög starfi Rauða krossins í hverju landi fyrir sig, en Alþjóðaráð Rauða krossins er sá hluti alþjóðahreyfingarinnar sem sinnir störfum á stríðshrjáðum svæðum,“ útskýrir Kristín. „Það er sannarlega full þörf á að styrkja þeirra erfiða og gríðarlega mikilvæga starf, en því miður eru litlar líkur á að verkefni þeirra verði færri eða umfangsminni á næstu árum.“
Öflugt samstarf stjórnvalda og Rauða krossins
Auk samningsins sem undirritaður var á miðvikudag eiga íslensk stjórnvöld í samstarfi við Rauða krossinn á Íslandi á sviði mannúðaraðstoðar og þróunarsamvinnu og styðja verkefni Alþjóðaráðsins og Alþjóðasambands Rauða krossins og Rauða hálfmánans (regnhlífarsamtök landsfélaga um allan heim) í gegnum rammasamninga við Rauða krossinn á Íslandi.
Í lok janúar var einnig tilkynnt um 25 milljón króna viðbótarframlag til Rauða krossins á Íslandi vegna viðbragða Alþjóðaráðsins við neyðarástandinu sem ríkir fyrir botni Miðjarðarhafs.
Fréttir af starfinu
FréttayfirlitVilt þú verða leiðbeinandi í skyndihjálp?
Almennar fréttir 14. október 2024Rauði krossinn á Íslandi stendur fyrir leiðbeinendanámskeiði í Skyndihjálp dagana 5. - 8. mars 2025.
Opnuðu litlu Melabúðina til styrktar börnum á Gaza
Almennar fréttir 11. október 2024Vinkonurnar Matthildur Atladóttir, Laufey Hrefna Theodórsdóttir, Halldóra Guðrún Johnson og Anna Jakobína Hjaltadóttir stofnuðu litla búð fyrir utan Melabúðina og seldu alls kyns hluti til styrktar börnum á Gaza.
Stofnuðu fyrirtæki til að hjálpa heimilislausum og styrktu Rauða krossinn
Almennar fréttir 10. október 2024Þrír nemendur í Menntaskólanum á Ísafirði stofnuðu nýlega fyrirtæki til að styrkja heimilislaust fólk á Íslandi og gáfu Rauða krossinum veglegan styrk.