Almennar fréttir
Sjálfboðaliðaþing Rauða krossins 2019
10. maí 2019
Sjálfboðaliðaþing Rauða kross Íslands var haldið í annað sinn síðustu helgi og heppnaðist það virkilega vel að sögn skipuleggjenda.
Sjálfboðaliðaþing Rauða kross Íslands var haldið í annað sinn síðustu helgi og heppnaðist það virkilega vel að sögn skipuleggjenda. Sjálfboðaliðaþing Rauða krossins er haldið annað hvert ár og er tilgangur þess að efla starfið og miðla reynslu, sem er liður í samhæfingu sem leiðir til markvissara starfs.
Settar voru á fót málstofur sem meðal annars fóru fram í fjöldahjálpartjöldum sem sett voru upp á bílaplani Rauða krossins. Þar var rætt um verkefni sem sjálfboðaliðar Rauða krossins taka þátt í, sem flestar deildir eru með í gangi. Rædd voru mál sem brenna á hverju sinni, ásamt því að skipst var á reynslu deilda í verkefnum sjálfboðaliðanna, t.d. um hvað hefur reynst vel og hvað megi betur fara.
Í lokin voru svo haldnir Ólympískir leikar Rauða krossins þar sem keppt var í hinum ýmsu greinum sem snúa að starfi félagsins, sem enduðu með veglegri verðlaunaafhendingu.
Fréttir af starfinu
FréttayfirlitVilt þú verða leiðbeinandi í skyndihjálp?
Almennar fréttir 14. október 2024Rauði krossinn á Íslandi stendur fyrir leiðbeinendanámskeiði í Skyndihjálp dagana 5. - 8. mars 2025.
Opnuðu litlu Melabúðina til styrktar börnum á Gaza
Almennar fréttir 11. október 2024Vinkonurnar Matthildur Atladóttir, Laufey Hrefna Theodórsdóttir, Halldóra Guðrún Johnson og Anna Jakobína Hjaltadóttir stofnuðu litla búð fyrir utan Melabúðina og seldu alls kyns hluti til styrktar börnum á Gaza.
Stofnuðu fyrirtæki til að hjálpa heimilislausum og styrktu Rauða krossinn
Almennar fréttir 10. október 2024Þrír nemendur í Menntaskólanum á Ísafirði stofnuðu nýlega fyrirtæki til að styrkja heimilislaust fólk á Íslandi og gáfu Rauða krossinum veglegan styrk.