Innanlandsstarf
Mikið að gera í fataverkefni Rauða krossins
17. janúar 2019
Landsmenn eru duglegir að skila fötum í fatagáma Rauða krossins eftir jólahátíðina. Rauði krossinn vinnur hörðum höndum að því að vinna úr öllu því magni sem fólk hefur gefið til góðargerðarmála.
Eins og síðustu ár voru landsmenn duglegir að skila fötum í fatagáma Rauða krossins eftir jólahátíðina. Nú ber svo við að starfsmenn og sjálfboðaliðar í Fataflokkun Rauða krossins hafa ekki undan því mikla magni sem hefur verið skilað inn í fatagáma félagsins. Einnig hefur flöskuháls myndast við sendingar til úrvinnsluaðila erlendis sem sér um að taka við fatagámum eftir jólafrí þar ytra. Með hjálp duglegra sjálfboðaliða vinnur Rauði krossinn hörðum höndum að því að vinna úr öllu því magni sem fólk hefur gefið til góðargerðarmála síðustu misserin og eru vonir bundnar við að hægt sé að vinna úr öllu þessu uppsafnaða magni á næstu dögum eða vikum. Rauða kross verslanir eru fullar af nýjum vörum og þar eru hægt að gera góð kaup, styðja gott málefni og stuðla að endurnýtingu í leiðinni.
Af gefnu tilefni vill Rauði krossinn biðla sérstaklega til allra að flokka vel það sem fer í Rauða kross gámana því eingöngu fatnaður (skór, úlpur, treflar o.s.frv) auk annars textíls (handklæði, rúmfatnaður, efni o.s.frv.) skal setja í gáma Rauða krossins í vel lokuðum pokum. Á þetta við hvort sem um er að ræða gáma á landsbyggðinni eða á höfuðborgarsvæðinu og móttökustöðvum Sorpu. Því miður hefur borið á því að ótrúlegustu hlutir eins og heimilisúrgangur, notaðar bleyjur og matarleyfar hafa skilað sér í gáma Rauða krossins sem getur bæði skemmt fötin og valdið vandræðum við alla fataflokkun.
Rauði krossinn þakkar öllur landsmönnum fyrir stuðning við mikilvægt góðargerðarstarf hreyfingarinnar og hvetur alla til að flokka vel það sem fer í fatagáma Rauða krossins og gæta þess að þangað fari eingöngu föt. Fataflokkunarverkefni Rauða krossins hefur fengið frábærar viðtökur en samtals safnast um 3000 tonn af fötum á hverju ári, frá landsmönnum.
Eins og þessar tölur gefa til kynna er alltaf þörf á fleiri sjálfboðaliðum í fataverkefni Rauða krossins. Það er mjög lærdómsríkt og gefandi geta lagt sín lóð á vogarskálarnar og gerast sjálfboðaliði í þessu mikilvægu umhverfisverkefni Rauða krossins. Hér er hægt að skrá sig sem sjálfboðaliði hjá Rauða krossinum.
Fréttir af starfinu
Fréttayfirlit
Börn með skotsár á neyðarsjúkrahúsi Rauða krossins
Alþjóðastarf 03. júlí 2025„Við höfum séð allt að 200 særða á einum degi; með skotsár, brunasár, sár eftir sprengjubrot og aðra áverka,“ segir hjúkrunarfræðingur sem starfar á neyðarsjúkrahúsi Rauða krossins í Rafah. „Við fáum til okkar börn með skotsár.“

„Ein besta ákvörðun sem ég hef tekið í lífinu“
Innanlandsstarf 02. júlí 2025Að vera sjálfboðaliði hjá Rauða krossinum hefur þroskað Ingibjörgu Ástu Bjarnadóttur bæði persónulega og í starfi. „Hjá Rauða krossinum hef ég fengið tækifæri og traust til þess að koma mínum eigin hugmyndum á framfæri, og stuðning til þess að láta þær verða að veruleika.“

Fjármögnun neyslurýma áskorun um alla Evrópu
Innanlandsstarf 25. júní 2025Þrátt fyrir að neyslurými fyrir vímuefni hafi fyllilega sannað gildi sitt gagnvart bæði einstaklingum og samfélögum glíma þau við sama vandamálið, hvort sem þau eru í Barcelona eða Borgartúni. Starfsfólk skaðaminnkunarverkefna Rauða krossins sótti upplýsandi ráðstefnu í Strassborg.