Fatasöfnun

Vilt þú gefa Rauða krossinum fötin sem þú notar ekki lengur?

Fatasöfnun Rauða krossins á höfuðborgarsvæðinu tekur aðeins við heilum og hreinum textíl, skóm og fylgihlutum til endursölu og neyðaraðstoðar.

Endurskipulagning á textílsöfnunarkerfi á svæðinu hefur staðið yfir undanfarið. Söfnunarkassa félagsins er nú að finna á sjö stöðum á höfuðborgarsvæðinu. Áfram eru kassar við flokkunarstöðina í Skútuvogi 1c (jarðhæð), og við skrifstofur Rauða krossins í Efstaleiti 9. Nýjum kössum hefur verið komið fyrir við fimm Bónusverslanir:

Kópavogur: Smáratorg

Hafnarfjörður: Helluhraun

Garðabær: Miðhraun

Reykjavík: Fiskislóð (Grandi) og Norðlingaholt.

Einnig er velkomið að koma í Skútuvogi 1c á opnunartíma milli kl. 9-15 mánudaga til fimmtudaga og 9-14 föstudaga þar sem starfsfólk tekur á móti framlögum.

Fatasöfnun Rauða krossins hefur um langt árabil verið leiðandi í söfnun á notuðum textíl til endurnýtingar innanlands og útflutnings á því sem ekki er nýtt hér á landi. Sú breyting varð 1. janúar 2025 að útflutningur á notuðum textíl færðist yfir til Sorpu á höfuðborgarsvæðinu. Rauði krossinn mun halda áfram að safna textíl til endursölu og neyðaraðstoðar innanlands og ´óskar því aðeins eftir heilum og hreinum fatnaði.

Engin breyting hefur orðið á söfnun textíls á Akureyri. Deild Rauða krossins við Eyjafjörð tekur enn við öllum textíl. 

Rauði krossinn rekur verslanir víða um land og er áfram sem hingað til mikilvægur hlekkur í endurnýtingu á textíl. Sala á notuðum textíl er ein mikilvægasta fjáröflun félagsins til mannúðarverkefna sinna.

Fatasöfnun Rauða krossins á höfuðborgarsvæðinu er að Skútuvogi 1, Reykjavík, sími 570-4000