Almennar fréttir
Frábært framlag til Malaví
20. desember 2018
Málaði ójólalegar myndir á jólakort til styrktar Rauða krossinum
Í gær barst Rauða krossinum óvænt og skemmtilegt framlag frá Finnboga Birkis Kjartanssyni, 8 ára, í starf félagsins í Malaví. Hann málaði myndir á jólakort sem hann seldi fyrir hátíðarnar og gaf í gær Rauða krossinum og Unicef á Íslandi ágóðann. Samtals var upphæðin til Rauða krossins 23 þúsund krónur og þakkar Rauði krossinn kærlega fyrir framlagið.
Jólakortin voru með þemanum ójólalegt dót og þóttu einstaklega vel lukkuð. Á hvert kort hafði Finnbogi málað mynd af hlut sem tengist jólunum ekki við fyrstu sýn. Hér fyrir neðan má sjá jólakortið sem Finnbogi gaf Rauða krossinum en myndin er birt með góðfúslegu leyfi listamannsins.
![\"Jolakort\"](\"/media/uncategorized/large/jolakort.jpeg\")
Fréttir af starfinu
Fréttayfirlit
Stjórnvöld fordæmi brot á mannúðarlögum hátt og skýrt
Alþjóðastarf 26. ágúst 2025„Það er mikilvægt að stjórnvöld alls staðar, líka í litlum, friðsælum ríkjum eins og Íslandi, leggi áherslu á virðingu fyrir alþjóðlegum mannúðarlögum og fordæmi hátt og skýrt þegar þau eru brotin,“ sagði Gísli Rafn Ólafsson, framkvæmdastjóri Rauða krossins, í viðtali á Morgunvaktinni á Rás 1 um stöðu mannúðaraðstoðar í heiminum.
Ókeypis vefnámskeið í sálrænni fyrstu hjálp
Almennar fréttir 25. ágúst 2025Rauði krossinn býður nú upp á vefnámskeið um sálræna fyrstu hjálp á íslensku. Allir sem vilja vera til staðar fyrir aðra þegar á reynir geta nýtt sér námskeiðið.
Ylja neyslurými Rauða krossins er 1 árs
Innanlandsstarf 12. ágúst 2025Á fyrsta starfsári sínu hefur Ylja sýnt fram á þörf fyrir öruggt neyslurými, þar sem notendur upplifa virðingu, öryggi og væntumþykju í stað útskúfunar og hættu. Traust notenda til þjónustunnar hefur byggst hratt upp vegna góðra tengsla milli notenda, starfsfólks Ylju og samstarfsaðila og lagt grunn að árangursríkri þjónustu.