Alþjóðastarf
Brynja Dögg sendifulltrúi við störf í Póllandi
07. júlí 2022
Brynja Dögg Friðriksdóttir, sendifulltrúi, hélt til starfa fyrir Rauða krossinn vegna átakanna í Úkraínu. Hún fór til Póllands um miðjan júní til að starfa með neyðarteymi Alþjóðasambands Rauða krossins (IFRC) vegna aðgerðar í tengslum við átökin í Úkraínu.

Brynja Dögg starfar sem myndatökumaður (e. Audio Visual officer) sem hluti af fjölmiðla- og upplýsingateymi svæðaskrifstofu Rauða krossins fyrir Evrópu sem staðsett er í Búdapest. Brynja mun hins vegar ekki vera með fasta starfstöð heldur starfa þar sem þörf er á hverju sinni.
„Ég byrjaði sendiferð mína í Póllandi þar sem ég mun dvelja fyrst um sinn og gera myndbönd og taka ljósmyndir af starfi pólska Rauða krossins og Alþjóða Rauða krossinum og Rauða hálfmánans í Póllandi. Það er virkilega áhugavert að sjá það góða starf sem Rauði krossinn og fjöldi sjálfboðaliða hefur verið að inna af hendi hér fyrir flóttafólk frá Úkraínu. Sem dæmi má nefna þá stýrir Rauða kross deildin í Opole, suður-Póllandi, stærðarinnar hjálparmiðstöð í vöruhúsi þangað sem flóttafólk getur komið til að fá frí föt, barnakerrur og rúm, mat, skó og jafnvel bangsa og leikföng sem var safnað fyrir flóttafólk frá Úkraínu. Rauði krossinn lagði mikla áherslu á að setja hjálparmiðstöðina upp líkt og verslun, svo þau sem þangað myndu leita, myndu upplifa hjálparstöðina eins og verslun, þó allt sé frítt. Þá hefur líka verið mjög áhugavert að hitta úkraínskar flóttakonur og heyra sögu þeirra, en margar þeirra hafa gerst sjálfboðaliðar með Rauða krossinum eftir komu sína til Póllands''
Þetta er önnur starfsferð Brynju Daggar fyrir Rauða krossinn á alþjóðavettvangi. Í nóvember á síðasta ári var hún hluti af áhöfn björgunarskipsins Ocean Viking sem hefur það hlutverk að bjarga flóttafólki úr sjávarháska á Miðjarðarhafi.

Fréttir af starfinu
Fréttayfirlit
Fjármögnun neyslurýma áskorun um alla Evrópu
Innanlandsstarf 25. júní 2025Þrátt fyrir að neyslurými fyrir vímuefni hafi fyllilega sannað gildi sitt gagnvart bæði einstaklingum og samfélögum glíma þau við sama vandamálið, hvort sem þau eru í Barcelona eða Borgartúni. Starfsfólk skaðaminnkunarverkefna Rauða krossins sótti upplýsandi ráðstefnu í Strassborg.

Nýtt forvarnarátak: Öryggi barna í sundi
Innanlandsstarf 23. júní 2025„Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. Félagið hefur hleypt af stokkunum fræðslu- og forvarnarátaki um öryggi barna í sundi í samvinnu við Reykjavíkurborg og Samtök forstöðumanna sundstaða á Íslandi.

Sigríður tekur við formennsku af Silju Báru
Almennar fréttir 19. júní 2025„Ég tek við starfi formanns með mikilli auðmýkt, tilhlökkun og virðingu fyrir öllum þeim sem starfa fyrir Rauða krossinn, bæði sjálfboðaliðum og starfsfólki,“ segir Sigríður Stefánsdóttir, nýr formaður Rauða krossins á Íslandi.