Alþjóðastarf
Heilsugæsla á hjólum
21. september 2020
Vegna fjárhagslegra afleiðinga kórónuveirufaraldusins hefur Rauði krossinn á Íslandi þurft að draga úr stuðningi við færanlega heilsugæslu í Sómalíu og óskar eftir framlögum.
Rauði krossinn á Íslandi hefur síðustu ár staðið undir rekstri heilsugæslu á hjólum í Hargeisa í Sómalíu sem rekin er af sómalska Rauða hálfmánanum með stuðningi frá Alþjóðasambandi landsfélaga Rauða krossins og Rauða hálfmánans (IFRC).
Vegna fjárhagslegra afleiðinga kórónuveirufaraldursins hefur Rauði krossinn á Íslandi þurft að draga úr fjárstuðningi við nokkur alþjóðaverkefni og sér nú fram á að draga þurfi verulega úr stuðningi við þetta mikilvæga heilbrigðisverkefni í Sómalíu, en stuðningurinn frá Íslandi stendur undir rekstri heilsugæslunnar og því forsenda þess að hægt sé að halda áfram rekstrinum.
Heilsugæsla á hjólum, sem er bíll með sérfræðimenntuðu heilbrigðisstarfsfólki sem keyrir á milli strjálbýlla svæða, nær til allt að 80% þeirra 31.000 íbúa sem búa í 25 þorpum í Hargeisa. Auk þess að sinna almennri heilsugæsluþjónustu er lögð áhersla á mæðravernd, fæðingaraðstoð, heilsu bara undir fimm ára aldri og mæðra þeirra.
Rauði krossinn á Íslandi hefur óskað eftir fjárframlögum frá deildum félagsins um allt land til þess að styðja áfram við þetta mikilvæga verkefni. Höfuðborgardeild félagsins hefur þegar ákveðið að styðja við verkefnið með 8 milljón króna framlagi, en þetta rausnarlega framlag nemur um helmingi þess fjármagns sem þarf til að halda rekstri heilsugæslunnar við árið 2020. Þá hefur Snæfellsbæjardeild lagt verkefninu 500.000 krónur.


Hér má lesa frásögn af verkefninu frá árinu 2017 , en Amal Abdi Muhammed sem sjá má á myndunum ásamt móður sinni Fadumo Abdi Muhammed, var þá þriggja ára og mælingar bentu til þess að hún væri alvarlega vannærð. Þær mæðgur fengu hnetumauk með sér heim til að auka næringu milli heimsókna heilsugæslunnar á hjólunum.
Almenningur getur stutt við verkefnið
- um 2.900 krónur með því að senda sms-ið HJALP í númerið 1900
- með því að leggja inn á reikning 0342 - 26 -12, kt. 530269-2649.
Fréttir af starfinu
Fréttayfirlit
Stjórnvöld fordæmi brot á mannúðarlögum hátt og skýrt
Alþjóðastarf 26. ágúst 2025„Það er mikilvægt að stjórnvöld alls staðar, líka í litlum, friðsælum ríkjum eins og Íslandi, leggi áherslu á virðingu fyrir alþjóðlegum mannúðarlögum og fordæmi hátt og skýrt þegar þau eru brotin,“ sagði Gísli Rafn Ólafsson, framkvæmdastjóri Rauða krossins, í viðtali á Morgunvaktinni á Rás 1 um stöðu mannúðaraðstoðar í heiminum.

Ókeypis vefnámskeið í sálrænni fyrstu hjálp
Almennar fréttir 25. ágúst 2025Rauði krossinn býður nú upp á vefnámskeið um sálræna fyrstu hjálp á íslensku. Allir sem vilja vera til staðar fyrir aðra þegar á reynir geta nýtt sér námskeiðið.

Ylja neyslurými Rauða krossins er 1 árs
Innanlandsstarf 12. ágúst 2025Á fyrsta starfsári sínu hefur Ylja sýnt fram á þörf fyrir öruggt neyslurými, þar sem notendur upplifa virðingu, öryggi og væntumþykju í stað útskúfunar og hættu. Traust notenda til þjónustunnar hefur byggst hratt upp vegna góðra tengsla milli notenda, starfsfólks Ylju og samstarfsaðila og lagt grunn að árangursríkri þjónustu.