Almennar fréttir
Aukin þjálfun í sálfélagslegum stuðningi
27. nóvember 2023
Rauði krossinn á Íslandi hefur eflt þjálfun í sálfélagslegum stuðningi fyrir starfsfólk og sjálfboðaliða sína þökk sé stórum styrk frá Evrópusambandinu. Stefnt er að því að öll sem starfa í verkefnum Rauða krossins hafi slíka þjálfun.

Í byrjun október hélt Rauði krossinn á Íslandi leiðbeinendanámskeið í sálrænni fyrstu hjálp fyrir 17 starfsmenn og sjálfboðaliða. Þetta er í annað sinn sem Rauði krossinn heldur námskeiðið með þessu sniði, en námskeiðið er hluti af aukinni áhersla á sálfélagslegan stuðning hjá félaginu.
Rauði krossinn á Íslandi hefur síðustu ár unnið eftir stefnu sem á ensku kallast „PFA for all“ eða „sálfélagsleg fyrsta hjálp fyrir öll“, en stefnt er að því að allt starfsfólk og sjálfboðaliðar í verkefnum Rauða krossins fái slíka þjálfun.
Þessi ákvörðun var tekin í kjölfar ályktunar um mikilvægi geðheilbrigðis og þess að auka sálfélagslegan stuðning og fræðslu um geðheilbrigði. Ályktunin var samþykkt af Rauði krossinum á Íslandi, íslenskum stjórnvöldum og öllum öðrum ríkjum og landsfélögum Rauða krossins og Rauða hálfmánans sem tóku þátt í ríkjaráðstefnu hreyfingarinnar árið 2019.
Stór styrkur eflir þjónustuna
Rauði krossinn á Íslandi fékk nýlega yfir 100 milljón króna styrk frá Evrópusambandinu í tengslum við EU4Health áætlun sambandsins, en markmið hennar að efla enn frekar sálfélagslegan stuðning við fólk sem hefur þurft að flýja átökin í Úkraínu.
Þessi styrkur gerir okkur kleift að auka þjálfun í sálfélagslegum stuðningi og á næstu misserum getur Rauði krossinn boðið upp á 8,5 klst löng námskeið í sálrænni fyrstu hjálp, sem gefa þátttakendum meira rými til að æfa sig og ná öryggi í aðferðafræðinni.

Fréttir af starfinu
Fréttayfirlit
Fjármögnun neyslurýma áskorun um alla Evrópu
Innanlandsstarf 25. júní 2025Þrátt fyrir að neyslurými fyrir vímuefni hafi fyllilega sannað gildi sitt gagnvart bæði einstaklingum og samfélögum glíma þau við sama vandamálið, hvort sem þau eru í Barcelona eða Borgartúni. Starfsfólk skaðaminnkunarverkefna Rauða krossins sótti upplýsandi ráðstefnu í Strassborg.

Nýtt forvarnarátak: Öryggi barna í sundi
Innanlandsstarf 23. júní 2025„Drukknun er algengari en flestir halda og stundum er því talað um hinn þögla faraldur,“ segir Hildur Vattnes Kristjánsdóttir, teymisstjóri skyndihjálpar hjá Rauða krossinum. Félagið hefur hleypt af stokkunum fræðslu- og forvarnarátaki um öryggi barna í sundi í samvinnu við Reykjavíkurborg og Samtök forstöðumanna sundstaða á Íslandi.

Sigríður tekur við formennsku af Silju Báru
Almennar fréttir 19. júní 2025„Ég tek við starfi formanns með mikilli auðmýkt, tilhlökkun og virðingu fyrir öllum þeim sem starfa fyrir Rauða krossinn, bæði sjálfboðaliðum og starfsfólki,“ segir Sigríður Stefánsdóttir, nýr formaður Rauða krossins á Íslandi.