Almennar fréttir
Láttu gott af þér leiða og fáðu endurgreiðslu frá skatti í leiðinni
13. desember 2021
Það hefur aldrei verið jafn hagstætt að styrkja Rauða krossinn því frá og með nóvember 2021 er hægt að lækka skattana í leiðinni. Þetta á bæði við um einstaklinga og fyrirtæki:
Fyrirtæki geta fengið skattafslátt af styrkjum sem nema allt að 1,5% af tekjuskattsstofni.
Hjá einstaklingum þarf styrkfjárhæðin að vera að lágmarki 10 þúsund og hámarksskattafsláttur fæst fyrir 350 þúsund króna framlag. Hámarks upphæðin er tvöföld fyrir hjón, þ.e. 700 þúsund krónur.
Hér er dæmi um hvað einstaklingar geta fengið í skattaafslátt miðað við mismunandi fjárhæðir*:
-
Einstaklingur sem greiðir 20 þúsund króna styrk til Rauða krossins fær skattafslátt að fjárhæð 7.600 krónur. Við fáum 20 þúsund til góðra verka, en þú borgar í raun 12.400.
-
Einstaklingur sem greiðir 50 þúsund króna styrk til Rauða krossins fær skattafslátt að fjárhæð 19 þúsund krónur. Við fáum 50 þúsund til góðra verka, en þú borgar í raun 31.000
-
Fyrirtæki sem styrkir Rauða krossinn um 1 milljón lækkar tekjuskattinn sinn um 200 þúsund krónur. Við fáum 1 milljón til góðra verka, en fyrirtækið greiðir í raun 800 þúsund
Þú þarft ekkert að gera nema taka ákvörðun um að styrkja Rauða krossinn, skatturinn og Rauði krossinn sjá um að koma afslættinum til skila.
Til að nýta skattaafsláttinn getur þú gerst mánaðarlegur styrktaraðili hér og styrkt Rauða krossinn með einni greiðslu hér.
*Tekjuskattshlutfall er breytilegt. Hér er gert ráð fyrir skattahlutfalli meðaltekna. Fjárhæðir birtast á heilu hundraði króna.
Fréttir af starfinu
Fréttayfirlit
Stærstu sveitarfélögin við Eyjafjörð semja við Rauða krossinn
Innanlandsstarf 27. maí 2025Fjallabyggð hefur bæst í hóp þeirra sveitarfélaga er samið hafa við Eyjafjarðardeild Rauða krossins um söfnun, flokkun og sölu á fatnaði og öðrum textíl á svæðinu. „Stór áfangi,“ segir Ingibjörg Halldórsdóttir deildarstjóri.

Starfsmenn Alþjóðaráðs Rauða krossins drepnir á Gaza
Alþjóðastarf 25. maí 2025„Dauði Ibrahims og Ahmad, félaga okkar hjá Alþjóðaráði Rauða krossins, er hryggileg áminning um hversu grafalvarleg staða almennra borgara er,“ segir Gísli Rafn Ólafsson, framkvæmdastjóri Rauða krossins á Íslandi. „Á Gaza er enginn staður öruggur.“

Þrjú ráðuneyti styrkja Hjálparsíma Rauða krossins
Innanlandsstarf 23. maí 2025Heilbrigðisráðherra, félags- og húsnæðismálaráðherra og mennta- og barnamálaráðherra hafa undirritað samning við Rauða krossinn sem felur í sér 25 milljóna króna styrk til reksturs Hjálparsímans 1717. „Þetta er ótrúlega mikilvæg þjónusta,“ sagði Alma D. Möller heilbrigðisráðherra er skrifað var undir samninginn í höfuðstöðvum Rauða krossins á fimmtudag.