Almennar fréttir
Máluðu myndir og seldu vegfarendum
12. september 2025
Theódóra Guðrún Kaaber og Þórunn Björk Kaaber fóru frumlega og skemmtilega leið til þess að styðja við verkefni Rauða krossins.
Frænkurnar Theodóra Guðrún Kaaber og Þórunn Björk Kaaber afhentu Rauða krossinum nýverið fé sem þær höfðu safnað fyrir fólk á Gaza og önnur verkefni félagsins. Stelpurnar, sem eru tíu ára og sjö ára, fóru óvenjulega og skemmtilega leið við fjáröflunina: Þær máluðu myndir og komu sér fyrir á götuhorni í Hvassaleitishverfinu í Reykjavík þar sem þær buðu vegfarendum myndirnar til sölu.
Myndefnið var af ýmsu tagi en náttúran var þó fyrirferðamest. Með myndasölunni söfnuðu þær 3.501 krónu.
Rauði krossinn þakkar Theodóru og Þórunni kærlega fyrir þetta dýrmæta framlag þeirra til mannúðar og hvetur fleiri til að feta í þeirra fótspor.
Fréttir af starfinu
Fréttayfirlit
Þekkir kasmírull úr margra metra fjarlægð
Innanlandsstarf 11. september 2025Staflar af fötum og öðrum textíl. Tonn á tonn ofan. Mörg slík á dag. Sumar flíkurnar handónýtar. Aðrar lélegar. „En inn á milli leynast oft gullmolar,“ segir Guðbjörg Rut Pálmadóttir, teymisstjóri fatasöfnunar hjá Rauða krossinum.
Hópastarf sem valdeflir hinsegin fólk á flótta
Innanlandsstarf 08. september 2025Alþjóðsamband Rauða krossins segir hópastarf á vegum Rauða krossins á Íslandi fyrir hinsegin fólk á flótta búa til einstakt umhverfi „þar sem þátttakendur upplifa viðurkenningu, virði og valdeflast“. Þátttakendur lýsa hópnum sem öruggu rými til að deila reynslu af áföllum og mismunun.
50 milljónir króna til neyðarsjúkrahússins á Gaza
Alþjóðastarf 03. september 2025Með stuðningi Mannvina og utanríkisráðuneytisins hefur Rauði krossinn á Íslandi styrkt neyðarsjúkrahús Rauða krossins á Gaza um 50 milljónir króna. „Neyðarsjúkrahúsið er líflína þúsunda í hörmungunum miðjum,“ segir Gísli Rafn Ólafsson, framkvæmdastjóri Rauða krossins.