Almennar fréttir
Rauði krossinn opnar ný farsóttarhús
12. nóvember 2021
Rauði krossinn opnar ný farsóttarhús. Rauði krossinn minnir á að mikilvægasta vörnin í útbreiðslu smita er að fylgja leiðbeiningum heilbrigðisyfirvalda varðandi sóttvarnir. Hjálparsíminn 1717 og netspjallið 1717.is er alltaf opið. Sýnum góðvild á krefjandi tímum og verum til staðar fyrir hvert annað.
Í ljósi þess að faraldurinn er í miklum vexti hér á landi og metfjöldi er að greinast með veiruna daglega, verður opnað nýtt farsóttarhús í Reykjavík fyrir helgi. Reykjavík Lights Hotel við Suðurlandsbraut verður því eitt af þeim þremur farsóttarhúsum sem Rauði krossinn rekur í Reykjavík, en hin tvö eru að fyllast í ljósi fjölda smita.
Í farsóttarhúsum eru núna alls 137 gestir og fer þeim hratt fjölgandi. Í gær var herbergjum fjölgað um 100 herbergi, þar af fengust fjögur herbergi til viðbótar á Akureyri og 96 í Reykjavík.
Rauði krossinn mun áfram annast alla þjónustu við gesti farsóttarhúsa. Rekstur þessara húsa er mjög mikilvægur liður í því að draga úr álagi á sjúkrahúsum og hefta útbreiðslu smita á landinu.
Mikilvægasta vörnin í útbreiðslu smita er að fylgja leiðbeiningum heilbrigðisyfirvalda varðandi sóttvarnir.
Rauði krossinn vill líka minna á að Hjálparsíminn 1717 og netspjallið 1717.is er alltaf opið. Það getur verið eðlilegt að finna fyrir áhyggjum og kvíða þegar óvissa er framundan. Að vera í samskiptum við vini og fjölskyldu getur hjálpað og sjálfboðaliðar Hjálparsímans 1717 eru ávallt til staðar til að veita bjargráð á streituvaldandi tímum. Hjálparsíminn 1717 hefur tekið á móti mörgum símtölum varðandi Covid 19, bæði almennar spurningar varðandi farsóttarhús sem og samtöl sem snúa að kvíða varðandi faraldurinn.
Rauði krossinn vil þakka sérstaklega öllum Mannvinum Rauða krossins fyrir þeirra stuðning, en mánaðarlegur stuðningur þeirra gerir félaginu kleift að bregðast við, hvenær sem þörf er á. Þeir gera okkur kleift að reka Hjálparsímann 1717 og viðbúnað Rauða krossins.
Ef þú vilt gerast Mannvinur Rauða krossins, og þannig styðja Hjálparsímann 1717 og annan viðbúnað Rauða krossins á tímum heimsfaraldurs, þá er einfalt að gera það á?mannvinir.is.
Forsíðumyndin er af Gylfa Þ. Þorsteinssyni , forstöðumanni farsóttarhúsa og Guðnýju Guðmarsdóttur starfsmanni og megintexta er mynd af hótelinu við Suðurlandsbraut og mynd starfsmönnum hótelsins þeim Gerði Helgadóttur og Guðrúnu Gígju Aradóttur.
Fréttir af starfinu
Fréttayfirlit
Góð tilfinning að geta aðstoðað fólk í erfiðum aðstæðum
Innanlandsstarf 23. júlí 2025„Í þau skipti sem ég hef smeygt mér í Rauða kross peysuna og farið af stað í útköll þá finn ég mjög sterkt hvað það gefur mér mikið,“ segir Svanhvít Sjöfn Skjaldardóttir, sjálfboðaliði hjá Rauða krossinum. Hún er sjálfboðaliði í fjöldahjálp og í viðbragðshópi.

Listsköpun, leikur og lærdómur
Innanlandsstarf 15. júlí 2025„Þetta voru góðar og gefandi samverustundir og mætingin var mjög góð,“ segir Yana Miz, verkefnisstjóri Wellbeing4U hjá Rauða krossinum, um uppskeruhátíð verkefnisins þar sem tugir flóttafólks frá Úkraínu á öllum aldri komu saman.

Stöðvum helvíti á jörðu
Alþjóðastarf 09. júlí 2025„Hörmungarnar á Gaza eru skuggi yfir mannkyni,“ skrifa framkvæmdastjórar sex íslenskra mannúðarfélaga. „Líf íbúa Gaza eru jafn mikils virði og líf annarra íbúa þessa heims, það ætti ekki að þurfa að taka fram, en engu að síður horfir heimurinn dofinn upp á íbúa Gaza svipta allri mannlegri reisn.“