Almennar fréttir
Starfsmaður óskast á Hjálparsíma Rauða krossins
06. febrúar 2019
Rauði krossinn á Íslandi auglýsir eftir ráðgjafa til starfa á Hjálparsíma Rauða krossins.
Rauði krossinn á Íslandi auglýsir eftir ráðgjafa til starfa á Hjálparsíma Rauða krossins. Um tímavinnu er að ræða í dagvinnu, að jafnaði á bilinu 80-90 klukkustundir í mánuði. Við þetta bætast bakvaktir samkvæmt bakvaktaplani, 1-2 vikur í mánuði. Starfið er hægt að vinna hvort heldur sem er í Reykjavík eða á Akureyri.
Starfið felur í sér virka hlustun og ráðgjöf við innhringjendur Hjálparsímans og netspjallsins 1717.is, auk stuðnings við sjálfboðaliða Hjálparsímans.
Laun og starfskjör eru samkvæmt kjarasamningi VR við SA.
Sandra Björk Birgisdóttir verkefnisstjóri Hjálparsíma Rauða krossins veitir frekari upplýsingar um starfið. Umsókn með ferilskrá sendist á starf@redcross.is fyrir mánudaginn 18. febrúar.
Fréttir af starfinu
Fréttayfirlit
Góð tilfinning að geta aðstoðað fólk í erfiðum aðstæðum
Innanlandsstarf 23. júlí 2025„Í þau skipti sem ég hef smeygt mér í Rauða kross peysuna og farið af stað í útköll þá finn ég mjög sterkt hvað það gefur mér mikið,“ segir Svanhvít Sjöfn Skjaldardóttir, sjálfboðaliði hjá Rauða krossinum. Hún er sjálfboðaliði í fjöldahjálp og í viðbragðshópi.
Listsköpun, leikur og lærdómur
Innanlandsstarf 15. júlí 2025„Þetta voru góðar og gefandi samverustundir og mætingin var mjög góð,“ segir Yana Miz, verkefnisstjóri Wellbeing4U hjá Rauða krossinum, um uppskeruhátíð verkefnisins þar sem tugir flóttafólks frá Úkraínu á öllum aldri komu saman.
Stöðvum helvíti á jörðu
Alþjóðastarf 09. júlí 2025„Hörmungarnar á Gaza eru skuggi yfir mannkyni,“ skrifa framkvæmdastjórar sex íslenskra mannúðarfélaga. „Líf íbúa Gaza eru jafn mikils virði og líf annarra íbúa þessa heims, það ætti ekki að þurfa að taka fram, en engu að síður horfir heimurinn dofinn upp á íbúa Gaza svipta allri mannlegri reisn.“