Innanlandsstarf
Allar deildir höfuðborgarsvæðis sameinaðar
23. maí 2024
Í gær fór fram stofnfundur nýrrar höfuðborgardeildar Rauða krossins á Íslandi, sem sameinar krafta höfuðborgardeildar og deildarinnar sem áður sinnti Hafnarfirði, Garðabæ og Kópavogi.

Unnið hefur verið að sameiningunni undanfarna mánuði, en hún auðveldar samstarf og eykur skilvirkni í starfi Rauða krossins. Með þessu sameinast starfsemi tveggja öflugra deilda sem hafa sinnt fjölbreyttum verkefnum svo úr verður enn öflugri deild sem þjónustar fleiri landsmenn en nokkur önnur.
Nýja deildin mun vinna að skaðaminnkunarverkefnum Rauða krossins, Frú Ragnheiði og Ylju, auk þess að sinna ýmsum félagslegum verkefnum, svo sem Vinaverkefnunum fjölbreyttu, ýmiss konar félagsstarfi fyrir umsækjendur um alþjóðlega vernd og flóttafólk, skyndihjálparkennslu og Aðstoð eftir afplánun. Þessi nýja deild verður því með mörg og stór verkefni á sinni könnu.
Með því að sameina krafta deildanna verður hægt að setja aukinn kraft í öll þessi verkefni og fara betur með krafta og fé félagsins. Sameiningin var samþykkt á aðalfundum deildanna fyrr á árinu.
Rauði krossinn fagnar þessum tímamótum og bæði starfsmenn og sjálfboðaliðar nýju deildarinnar eru spenntir fyrir að sinna þessum fjölbreyttu verkefnum af fullum krafti.
Fréttir af starfinu
Fréttayfirlit
Rafrænt HAM-námskeið fyrir Grindvíkinga
Innanlandsstarf 08. október 2025Rauði krossinn heldur áfram að bæta í verkfærakistu Grindvíkinga. Fjarnámskeið í hugrænni atferlismeðferð á vegum Framvegis – símenntunarstöðvar er nú í boði.

36 milljónir króna til mannúðarstarfs í Úkraínu
Alþjóðastarf 03. október 2025Frá því átökin í Úkraínu hófust hefur Alþjóðasamband Rauða krossins, í samstarfi við úkraínska Rauða krossinn, veitt meira en 17 milljónum einstaklinga mannúðaraðstoð. Á sama tíma hefur Rauði krossinn á Íslandi, með dyggum stuðningi utanríkisráðuneytisins, veitt rúmlega 265,8 milljónum króna til mannúðarstarfs í landinu.

Rauði krossinn neyðist til að yfirgefa Gazaborg
Alþjóðastarf 01. október 2025Fánar við skrifstofur Alþjóðaráðs Rauða krossins í Gazaborg hafa verið dregnir niður og allt starfsfólkið flutt sig til suðurhluta Gaza. Harðandi hernaðaraðgerðir leiddu til þess að þessi erfiða ákvörðun var tekin.