Innanlandsstarf
Börn í leikskólanum Norðurbergi styrkja heilsugæslu á hjólum\r\ní Sómalíu
14. janúar 2020
Nítjánda árið í röð hafa börn í leikskólanum Norðurbergi safnað flöskum og gefið ágóðann til Rauða krossins í Hafnarfirði og Garðabæ. Í ár söfnuðu börnin og fjölskyldur þeirra 31.192 kr en aldrei hefur safnast jafn mikið.
Nítjánda árið í röð hafa börn í leikskólanum Norðurbergi safnað flöskum og gefið ágóðann til Rauða krossins í Hafnarfirði og Garðabæ. Í ár söfnuðu börnin og fjölskyldur þeirra 31.192 kr en aldrei hefur safnast jafn mikið. Rauði krossinn þakkar kærlega fyrir dyggan stuðning barnanna í Norðurbergi, fjölskyldna þeirra og starfsmanna leikskólans Norðurbergs.
Framlög úr fjáröflunum barna fyrir Rauða krossinn eru jafnan notuð til að leggja börnum annars staðar í heiminum lið. Í ár rennur allt fé sem börn á Íslandi hafa safnað fyrir Rauða krossinn til heilsugæslu á hjólum í Sómalíu. Með þessu framlagi barna á leikskólanum Norðurbergi hafa alls rúmar 430.000 krónur safnast til verkefnisins.
Sjá nánar um heilsugæslu á hjólum hér .
Fréttir af starfinu
Fréttayfirlit
Mánuður frá hamförunum: Enn mikil neyð
Alþjóðastarf 28. apríl 2025„Fólk heldur að um leið og fjölmiðlar hætti að fjalla um hlutina þá sé ekkert að gerast,“ segir Gísli Rafn Ólafsson, framkvæmdastjóri Rauða krossins á Íslandi. Svo sé hins vegar alls ekki. „Það geta liðið mánuðir og jafnvel ár þar til fólk verður búið að ná sér eftir þetta áfall.“
Sjálfboðaliðastörf eru valdeflandi
Innanlandsstarf 07. apríl 2025Þær eru úrræðagóðar, framtakssamar og lífsglaðar. Sjálfboðaliðar ársins 2024 hjá höfuðborgardeild Rauða krossins kenna ensku, íslensku og heimsækja fólk og nálgast ólík verkefni sín af einstakri fagmennsku.
„Samfélagið sér framlag okkar og það er mikil hvatning“
Innanlandsstarf 03. apríl 2025Starfið í Eyjafjarðardeild Rauða krossins er á fleygiferð og mikið um að vera, segir Ingibjörg Halldórsdóttir deildarstjóri. Aldrei hafi fleiri sjálfboðaliðar starfað hjá deildinni og á síðasta ári.