Innanlandsstarf
Vorferð föt sem framlag
15. apríl 2019
Föt sem framlag prjónahóparnir í Hafnarfirði, Garðabæ, Kópavogi og Mosfellsbæ skelltu sér í vorferð og heimsóttu Rauða krossinn á Selfossi með viðkomu í Hveragerði.
Það voru 50 sjálfboðaliðar úr Föt sem framlag hópunum í Hafnarfirði, Garðabæ, Kópavogi og Mosfellsbæ sem gerðu sér glaðan dag á miðvikudaginn síðasta og heimsóttu Rauða krossinn á Selfossi. Á leiðinni var komið við í Garðyrkjuskólanum í Hveragerði þar sem Guðríður skólastjóri tók vel á móti okkur og sýndi okkur og sagði frá í gróðurhúsunum og svo var komið við í Álnavörubúðinni í Hveragerði.
Við komum svo ekki að tómum kofanum á Selfossi frekar en fyrri daginn en þar var boðið upp á dýrindis súpu og brauð. Þar gafst einnig tækifæri til að sjá hvað Föt sem framlag á Selfossi er að prjóna, sauma og hekla og til skrafs og ráðagerða varðandi verkefnið Föt sem framlag sem er að taka breytingum um þessar mundir. Nýverið var hætt að senda ungbarnapakka til Hvíta-Rússlands og ákveðið að prjóna, hekla og sauma fyrir fólk í nærumhverfinu. Sjálfboðaliðar eru því að prjóna og hekla fjölbreyttan fatnað eins og til dæmis húfur, vettlinga, sjöl, peysur, teppi og sokka á bæði börn og fullorðna.
Fréttir af starfinu
Fréttayfirlit
Rauði krossinn fjölgar fatakössum á höfuðborgarsvæðinu
Almennar fréttir 18. nóvember 2025Nýjum söfnunarkössum Rauða krossins fyrir fatnað og annan textíl hefur verið komið fyrir við fimm Bónusverslanir á höfuðborgarsvæðinu. Samtals eru kassarnir því á sjö stöðum á svæðinu og stefnt er á frekari útbreiðslu á næstu misserum.
Samstaða sómalskra kvenna drifkraftur umbóta
Alþjóðastarf 06. nóvember 2025„Þrátt fyrir takmörkuð úrræði deila sómalskar konur þeirri öflugu hugsjón að konur séu konum bestar,“ segir Natalia Herrera Eslava, verkefnastjóri hjá Rauða krossinum á Íslandi. Starf sómalska Rauða hálfmánans, sem Rauði krossinn á Íslandi styrkir, er mikilvægara nú en nokkru sinni.
Auglýsing um sögu Rauða krossins tilnefnd til verðlauna
Almennar fréttir 05. nóvember 2025„Saga Rauða krossins á Íslandi er löng og litrík og við lögðum mikla vinnu í að fanga rétta tilfinningu,“ segir hönnunarstjóri Strik Studio um tilnefningu til verðlauna á einni stærstu hönnunarhátíð Evrópu.