Upplýsingar vegna deildarstarfs

Aðalfundur Rauða krossins á Íslandi verður haldinn á Grand Hótel Reykjavík laugardaginn 9. maí 2026. Samkvæmt 7. gr. laga Rauða krossins á Íslandi á deild þín rétt á að senda fulltrúa á aðalfundinn. Undir Kjörbréf og skráning er hlekkur sem þarf að fylla út og senda rafrænt úr Rauða kross netfangi formanns eða gjaldkera deildarinnar til skrifstofu Rauða krossins á Íslandi eigi síðar en 9. apríl nk., með nöfnum og kennitölum þeirra fulltrúa og varafulltrúa sem sækja fundinn. Upplýsingar um fjölda fulltrúa verður sendur hverri deild í sérstökum tölvupósti. Til að hafa atkvæðarétt á aðalfundi þurfa deildir að hafa skilað ársreikningi og ársskýrslu og fulltrúar deildarinnar greitt árgjald félagsins fyrir síðustu áramót.

Kostnaður við þátttöku fulltrúa á aðalfund skal jafnað á deildir eftir fjölda fulltrúa. Félagar sem að velja að vera viðstaddir aðalfund en eru ekki fulltrúar sinnar deildar bera persónulega kostnað af ferðum og viðveru á fundinum.

Þeir aðalfundarfulltrúar sem ferðast þurfa með flugi bera ábyrgð á sinni ferðatilhögun, í samráði við þá deild sem þeir eru fulltrúar fyrir. Landskrifstofa mun ekki sjá um bókanir á flugi.

• Dagskrá aðalfundar 2026
• Fundargerð aðalfundar 2024 (undirrituð)
• Ársskýrsla 2024

Tillögur og gögn til samþykktar

• 3.5 - Tillaga stjórnar að markmiðum, áætlun og forgangsröðun
• 3.6 - Tillaga stjórnar að tekjuskiptingu
• 3.6 - Tillaga Frá Ívari Kristinssyni, gjaldkera – Breyttar forsendur um ráðstöfun fjármuna
• 3.7 - Tillaga um árgjald 2026-28
• 3.8 - Tillögur til breytinga á lögum RKÍ 2026
• 3.9 - Lagabreytingartillaga Ungmennaráðs til Aðalfundar 2026
• 3.10 - Tillaga að niðurlagningu Húnavatnssýsludeildar maí 2026
• 3.10 - Tillaga að niðurlagningu Súgandafjarðadeildar maí 2026
• 3.11 - Tillaga að vinnu við eina kennitölu
• 3.12 - Tillaga að ályktun aðalfundar um andúð í garð ákveðinna hópa
• 3.12 - Tillaga að ályktun aðalfundar um brottfararstöð
• 3.12 - Tillaga að ályktun aðalfundar um fjármögnun almannavarna
• 3.13-17 - Greinargerð kjörnefndar að nýrri stjórn RKÍ
• 3.18 - Tillaga að endurskoðanda 2026-2027
• 3.19 - Tillaga að kjörnefnd
• 3.20 - Tillaga að siðanefnd
• 3.21 - Tillaga að dagsetningu næsta aðalfundar 2028

Grand Hótel Reykjavík, Sigrúni 38, 105 Reykjavík. Fundarsalur er Háteigur, 4 hæð.

Kjörbréfum og öllum skráningum skal lokið eigi síðar en 9. apríl 2024. Kjörbréfin eru rafræn og skulu þau útfyllt af formönnum deilda á rafrænu skráningarformi hér.

Grand Hótel Reykjavík, Sigrúni 38, 105 Reykjavík

Rauði krossinn hefur fengið afsláttarkóða sem gildir fyrir öll hótel Íslandshótela á höfuðborgarsvæðinu þessa helgi.

Kóðinn: ADR34f6d2UX

Bókun fer fram á www.islandshotel.is og gefur 10% afslátt 

Samkvæmt 7.gr 2mgr. laga Rauða krossins á Íslandi: Aðalfundur Rauða krossins á Íslandi er opinn öllum félögum Rauða krossins. En einungis fulltrúar deilda hafa málfrelsi, tillögu- og atkvæðisrétt með þeim takmörkunum sem leiða af grein þessari. Þeir sem vilja vera viðstaddir aðalfund en eru ekki fulltrúar deildar sinnar þurfa að skrá sig hjá landsskrifstofu með að minnsta kosti mánaðar fyrirvara.

Hlekkur á skráningareyðublað fyrir gesti og áheyrnarfulltrúa

Samkvæmt 7. gr. laga Rauða krossins á Íslandi skulu deildir tilkynna landsskrifstofu um nöfn fulltrúa sinna á aðalfundi mánuði fyrir aðalfund. Launaðir starfsmenn geta ekki setið aðalfund sem fulltrúar deilda. Hver fulltrúi fer með eitt atkvæði og getur enginn fulltrúi farið með atkvæði í umboði annars.

Ef einhverjar spurningar vakna má hafa samband við Margrét Gíslínudóttur margretlu@redcross.is eða Jón Brynjar Birgisson jonb@redcross.is. 

Sem sjálfboðaliði í stjórn þarft þú að ljúka eftirfarandi vefnámskeiðum: 

• Grunnnámskeið Rauða krossins
• Inngangur að ábyrgri stjórnun 
• Inngangur að neyðarvörnum

Þau er að finna hér.

Til viðbótar við þessi námskeið er æskilegt að ljúka: 

• Skyndihjálp 4 klst
• Verkefnanámskeiðum séu þau verkefni á þínu starfssvæði

Hver deild Rauða krossins getur veitt allt að 10% af kassatekjum sínum í aðstoð vegna varanlegrar neyðar. Deildir ákveða í fjárhagsáætlun hvaða upphæð þær ætla að veita í fjárhagslegan stuðning á hverju ári. Deildir geta, vegna sérstakra staðbundinna aðstæðna, veitt úr sjóðum sínum umfram þessa upphæð og gengist fyrir söfnunum í því augnamiði. Þess skal ætíð gætt að framlags Rauða krossins sé getið.

Nákvæmar leiðbeiningar vegna einstaklingsaðstoðar er að finna neðar undir Reglur um einstaklingsaðstoð. 

Við byggjum starf okkar og verkefni fyrst og fremst á sjálfboðinni þjónustu. Aðstoð í formi fjármagns er fyrst og fremst vegna hamfara og neyðaratburða vegna stoðhlutverks Rauða krossins við stjórnvöld í almannavarnarástandi.

Að jafnaði er miðað við 20-25%.

Langflestar umsóknir um sjálfboðastörf koma í gegn um vefsíðu Rauða krossins. Þegar deildum þar sem ekki starfar starfsfólk berast umsóknir mun fulltrúi landsskrifstofu hafa samband með upplýsingum um umsækjanda og verkefnaval.

Þegar þörf er á að auglýsa eftir sjálfboðaliðum eru nokkrar leiðir færar. Hægt er að auglýsa á vefsíðu og samfélagsmiðlum Rauða krossins (t.d. Facebook og Instagram) og á öðrum miðlum og hópum. Einnig hefur gefist vel að senda markpósta á ýmsa hópa eða vera í sambandi við fagfélög. Þetta er ekki tæmandi listi og því kjörið að hafa samband við þinn tengilið til þess að finna í sameiningu bestu leiðina á þínu svæði. 

Fjáröflunar- og kynningarteymi á landsskrifstofu getur aðstoðað við hönnun á auglýsingum í samræmi við hönnunarstaðal félagsins.

Rauði krossinn á Íslandi notar Salesforce, m.a. til að halda utan um sjálfboðaliða og félaga. Deildir þar sem ekki starfar starfsfólk geta fengið aðgang og þjálfun á Salesforce, eða fengið senda lista yfir virka sjálfboðaliða og félaga á sínu svæði. Hafðu samband við þinn tengilið til að fá aðgang að Salesforce og/eða til að fá senda lista sem þú getur yfirfarið.

Til þess að skrá nýja sjálfboðaliða eða afskrá sjálfboðaliða sem eru að hætta er hægt að nota Saleforce kerfið, ef þú hefur aðgang að því. 

Ef ekki, þá getur þú sent þínum tengilið upplýsingar um nýja sjálfboðaliða sem skráir í Salesforce. Þá þarf að fylgja: 

• Nafn, kennitala, sími, netfang, heiti á verkefni sjálfboðaliða.

Í kjölfarið fær sjálfboðaliðinn sendann rafrænan sjálfboðaliðasamning til undirritunar þar sem m.a. eru upplýsingar um grunngildi hreyfingarinnar, siðareglur, trúnað, tryggingar o.fl.

Ef þú vilt tilkynna um sjálfboðaliða sem er að hætta má senda upplýsingar á þinn tengillið og þá þarf að fylgja:

• nafn og kennitala og dagsetning sem sjálfboðaliði lauk störfum.

Hafið samband við tengilið ykkar og teymisstjóra viðkomandi málefnasviðs sem aðstoða ykkur við framhaldið. 

Vissulega eru verkefni sem Rauði krossinn sinnir ekki og falla ekki að áherslum og málefnasviðum í stefnu til 2030. Rauði krossinn einblínir á að koma að þar sem þörfin er mest og úrræðin eru fæst. Hvað það þýðir getur verið breytilegt milli svæða. Hafðu samband við tengilið þinn ef þú ert ekki viss. 

Allir sjálfboðaliðar þurfa að ljúka grunnnámskeiði Rauða krossins. Námskeiðið er vefnámskeið og má finna á Learning Platform IFRC, ásamt fjölmörgum öðrum gagnlegum námskeiðum:

https://ifrc.csod.com/

Upplýsingar um fræðslu fyrir önnur verkefni s.s. neyðarvarnir, vinaverkefni, eða skaðaminnkun getur þú nálgast hjá þínum tengillið sem einnig getur veitt góð ráð ef þú þarft aðstoð við að útbúa fræðslu.

Allir geta útbúið aðgang að Learning Platform en þeir sem búa á Íslandi þurfa að velja Ísland sem sitt svæði til að nálgast námsefni frá Rauða krossinum á Íslandi.

Hér eru leiðbeiningar um stofnun aðgangs og tengingu við RKÍ:

https://www.raudikrossinn.is/media/pyoh0xjv/learning-platform-inngangur.pdf